Hemeroteka
Agiriak
- Udal Liburutegia
- Digitalizazio-proiektuak
- » Aurrekariak
- » Donostiako prentsa historikoa
- » Gaur egungo euskal prentsa
- Donostiako Liburutegi Nagusia
- » Beste liburutegi digital batzuk
Ohiko galderak
Nola aurki ditzaket bilatzen ditudan materialak?
Hemeroteka atalean egunkariak eta aldizkariak dituzu eta Agiriak atalean berriz, partiturak, kartelak eta monografiak. Honetaz gain, udal liburutegiaren bildumari buruzko informazio zabala bere Katalogora sartuz lor dezakezu
Eskueran al daude WEB GUNEAN hemeroteka-fondo guztiak?
Ez. Liburutegiko fondoen zati bat besterik ez dago digitalizatuta. Hemeroteka atalean, Erregistro bibliografikoa eta Fitxategi digitala sailetanizenburu bakoitza kontsultatzeko euskarri gehigarrien berri izango duzu (mikrofilma, mikrofitxa, CD ROMa). Fondo horiek kontsultatzeko, Alderdi Ederreko Liburutegi Nagusira jo behar duzu irekita egon ohi den ordutegian (astelehenetik ostiralera: 10:00-20:30 ; larunbatetan: 10:00-14:00; 16:30-20:00).
Zein estandar-mota jarraitzen dute Web-gunean eskuragarri dauden fondo digitalizatuek?
Liburutegietan baliatutako estandarrak baliatzen ditugu: MARC 21 eta METS XML.
Zer-nolako bilaketak egin ditzaket fondo digitalizatuetan?
Aurkibidetik, Fitxategi digitala aukeran, egunkariaren izenburu, urte, hil edo egunaren araberako bilaketak egin ditzakezu. Egutegian azpimarratutako egunetan, badago egunkariaren edizio digitalizatua. Aldiz, azpimarratu gabekoetan, ez dago egunkariaren edizio digitalik (egun horretan argitaratzen ez zelako edo egun horretako egunkaririk gure bilduman ez dugulako). Kontzeptuen araberako bilaketa ezinezkoa da fondo digitalizatuetan.
Zer-nolako eragiketak egin ditzaket aurkitutako informazioarekin?
Bistaratu:
- Eguna aukeratu ondoren, egun horretako orrialde eskuragarrien zerrenda agertzen da.
- Flash-ikustailearen bidez, irudiak bistaratuko dituzu. Aldiz, ikustailerik instalatuta ez baduzu, ezker-alboko menuan, aplikazio hori deskargatzeko informazio gehiago eskaintzen dugu.
- Aurkitutako egunkariaren orrialdeetatik nabiga dezakezu.
- Orrialdea aurkitutakoan, bistaratzeko formatu desberdinak daude. Lehenetsitako aukera doitzea da (orrialdea oro har gainbegiratzeko). Kurtsorea orrialdearen gainean jarriz eta mugituz, nahi dugun zatitik desplaza gaitezke.
- 1:1 aukeratzen badugu, orrialdea handituko dugu, irakurtzen hasteko.
- Zoomak nabigazio-sekzio jakin bat handitzeko (+) edo txikitzeko (-) balio du.
- Distira aukerak, berriz, hobe irakurtzeko modua doitzeko balio du: (+) letra eta hondoaren arteko kontraste lausoagoa; (-), berriz, letra eta hondoaren arteko kontraste handiagoa.
Inprimatu:
- Orrialde osoa edo zoom egiten den sekzio bat.
Formatu eskuragarriak deskargatu:
- tiff eta pdf formatu digitalak lortzeko modua.
- Acrobat Reader programa instalatuta ez baduzu, ezker-alboko menuan, aplikazio hori deskargatzeko informazio gehiago eskaintzen dugu.
- Deskargatutako irudiek jabetza-marka bat dute, eta jatorrizkoak Donostiako Udal Liburutegiaren jabetza direla identifikatzen dute.
- Erabiltzaileak konpromisoa hartzen du indarrean den jabetza intelektualaren legearekin bat etorriz erabiliko duela deskargatutako informazioa.
Ba al daude formatuak deskargatzeko aukera gehigarriak?
Liburutegi digitalak fondo digitalizatutik tiff eta pdf formatu digitalak eskuratzeko modua ematen du. Eskaera zehatzetan, erabilera berezietarako kalitate hobeko formatu bat eduki dezakegu. Eskaerak egiteko, arduradunaren baimena behar da eta Alderdi Ederreko Liburutegi Nagusiarekin jarri behar zara harremanetan.
Nola kontsulta ditzaket WEB GUNEAN ez dauden hemeroteka-fondoak?
Oro har, Liburutegi Nagusira jo behar duzu (Alderdi Eder, z/g; 20004 Donostia - San Sebastián) irekita egon ohi den ordutegian (astelehenetik ostiralera: 10:00-20:30 ; larunbatetan: 10:00-14:00; 16:30-20:00).
Web-gunearen ezker-alboko menuan argibideak aurkituko dituzu: Liburutegi Nagusia: Informazio praktikoa.
Aldi bakanetan, fondo mikrofilmatuen kopia digitala edo mikrofitxa eska dezakezu. Halaber, paperezko fondoen argazki digitala eska dezakezu. Bakanetan egin beharreko kontsulta-mota horiek banaka egin behar dira eta, horretarako, erabiltzailea liburutegi nagusiarekin jarri behar da harremanetan, betiere liburutegiko arduradunaren baimena edukiz. Horrelakoetarako, Alderdi Ederreko Liburutegi Nagusira jo dezakezu, 943-481488/89 telefonoetan edo emailetan.
Nola izan dezaket udal-liburutegiak eskaintzen dituen jarduera eta berritasunen berri?
Donostiako udal-liburutegien sarearen berri luze eta zabal jakiteko, bere web-orrira jo dezakezu. Halaber, informazioaren edozein kontsulta egiteko, Alderdi Ederreko Liburutegi Nagusira jo dezakezu, 943-481488/89 telefonoetan edo emailetan.
Ba al daukat kontsulta edo iradokizunetarako postontzirik?
Bai. Liburutegi digitaleko web-orriaren goiko ezker-alboan dago beti, harremanetarako izendapenaz. Liburutegiko aretoan bertan ere iradokizunak egin ditzakezu.
